kitalo! Drone etomedde eggaali y'omukka e Busembatya 4 ne bafiirawo!

Abantu bana bafudde, mmotoka ya Drone mwe babadde batambulira, bw'etomedde eggaali y'omukka e Busembatya.

Ttakisi eyayonoonese

Kigambibwa nti akabenje kabaddewo ku saawa nga 8:00 n'ekitundu emisana, drone nnamba UBN 282J ebadde evugibwa ddereeva atannategeerekeka, bw'etomedde eggaali y'omukka ne yeefuula emirundi egiwerako.

Akabenje kabadde ku luguudo lwa Mbale - Tirinyi - Iganga mu Busembatya mu disitulikiti y'e Bugweri.

Ekitundu ku mmotoka ekyayonoonese.

Kitegeezeddwa nti ttakisi eno omubadde abasaabaze, ebadde eyolekera Mbale, bw'etuuse eggaali y'omukka w'esalira, n'egitomera ng'etambula era abantu basatu ne bafiirawo, omulala ow’okuna, n'afa nga yaakatuusibwa mu ddwaaliro.

Omwogezi wa poliisi mu Busoga North, Micheal Kasadha, agambye nti abasaabaze abawerako, batwaliddwa mu ddwaaliro e Iganga okufuna obujjanjjabi.