Amawulire
Omuserikale abadde ava okuwerekera abatwala ebigezo e Bugweri afiiridde mu kabenje ng'akomawo
Sgt. James Kirinde, ng'abadde akolera ku poliisi y'e Makuutu mu disitulikiti y'e Bugweri, y'afudde, mmotoka bw'etomedde pikipiki kw'abadde atambulira e Buseyi ng'ava okuwerekera ab’ebigezo e Iganga okubiggya e Bugweri.
Omuserikale abadde ava okuwerekera abatwala ebigezo e Bugweri afiiridde mu kabenje ng'akomawo
By: Godfrey Kigobero, Journalists @New Vision
Omuserikale wa poliisi afiiridde mu kabenje akagudde ku luguudo oluva e Iganga okudda e Tororo.
Sgt. James Kirinde, ng'abadde akolera ku poliisi y'e Makuutu mu disitulikiti y'e Bugweri, y'afudde, mmotoka bw'etomedde pikipiki kw'abadde atambulira e Buseyi ng'ava okuwerekera ab’ebigezo e Iganga okubiggya e Bugweri.
Abadde atambulira ku pikipiki nnamba UFR 989S Bajaj Boxer bw'etomeddwa Isuzu Elf forward nnamba UAF 827 H .
Ebidduka byombi bibadde byolekera kabuga k'e Nakalama era bwe batuuse okumpi ne SANA Hotel, kigambibwa nti owa loole, kwe kumutomera ng'amuva emabega n'afiirawo.
Omwogezi wa poliisi mu Busoga East, Micheal Kasadha, agambye nti ddereeva adduse era nga bali ku muyiggo, okumuzuula . Ebidduka, bikuumirwa ku poliisi e Iganga.