Poliisi efulumizza olukalala lw'abaafiiridde mu kabenje k'eggaali y'omukka

POLIISI efulumizza amannya g'abamu ku bantu, abaafiridde mu kabenje k'eggaali y'omukka e Busembatya wamu n'abo abaalumiziddwa.

Akabenje kano, kaabaddewo ku wiikendi, mmotoka ekika kya Drone nnamba UBN 282J , bwe yatomedde eggaali y'omukka e Busembatya ku luguudo lwa Iganga - Tirinyi - Mbale.

Abaafudde, kuliko Henry Kyazze 29 ng'abadde mutuuze w'e Kasawo e Mukono, Imran Luwangula 2 okuva e Bulangira Luuka, Florence Nakamya 40 okuva e Butakole Butebo n'emirambo emirala ebiri, egitannategeerekeka.

Abaalumiziddwa, kuliko Zaituna Katoko 30 okuva e Bulangira Luuka, Grace Hasahya 5 okuva e Kaiti Butalejja, Christine Nakirya 40 nga naye w'e Kaiti.

Abalala, kuliko Richard Osizi 34 okuva e Budadiri mu Sirinko, Henry Kissa 48 ow'e Busiti e Sironko, Fred Isooba 49 w'e Kigulu Iganga, Jackline Namulinda 25 nga w'e Namalemba Bugweri.

Precious Ashaba 6 okuva e Seeta Bajjo,Noela Mirembe 7 ng'ava Kabembe Mukono , ne Aaron Blessing 2 nga naye w'e Kabembe.

Omwogezi wa poliisi mu Busoga East, Micheal Kasadha, agambye nti bano, bajjanjabirwa mu ddwaaliro e Iganga.