Kasalabecca
Shakib awuttudde Munnakenya n’anaaba omwenge mu ngalo
SHAKIB Lutaaya, abadde bba Zari Hassan akubye omuyimbi Munnakenya mu bikonde n’amuleka mu kkubiro
Shakib
By: Bukedde Omusunsuzi, Journalist @NewVision
SHAKIB Lutaaya, abadde bba Zari Hassan akubye omuyimbi Munnakenya mu bikonde n’amuleka mu kkubiro.
Olulwana luno lwabaddewo ku Lwomukaaga, bwe yalwanaganye n’omuyimbi Arrowbwoy mu kikonde ekyategekeddwa e Kenya. Mu laawundi eyookubiri, Shakib mwe yakubidde Arrowbwoy ebikonde musosola ndaggu, omuyimbi Arrowbwoy n’agwa ku ttaka n’alaajana.
Nga tebannalwana, omuyimbi oyo yasoose kwesoma nti agenda kunywesa Shakib amazzi kyokka gye byaggweeredde nga ne Bannakenya bakkiriza nti omuntu waabwe awuttuddwa.
Shakib olwamaze misoni ye, ne yeesogga ppate n’atumya omwenge gw’ebbeeyi ate n’agunaaba mu ngalo.
Shakib olwamaze misoni ye, ne yeesogga ppate n’atumya omwenge gw’ebbeeyi ate n’agunaaba mu ngalo.
Abamu ku baabaddewo bakira bassaawo giraasi abateeremu nga tabawuuna era ogumu, yaguyiiridde ku minywanye gye gye yabadde nabo. Gye buvuddeko, Zari yassa obubaka ku mukutu gwe nga bw’ayawukanye ne Shakib.