Amawulire
Omuserikale eyalabikidde mu katambi ng'akuba omuvubuka kibooko mu bulungibwansi bamunoonya
EKITONGOLE kya poliisi ekikwasisa empisa, ekya Professional Standards Unit { PSU }, bali mu kunoonyereza ku muserikale wa poliisi eyalabikidde mu katambi ng'akuba omusajja embooko mu kiseera ky'okuyonja ku Lwomukaaga.
Omuserikale eyalabikidde mu katambi ng'akuba omuvubuka kibooko mu bulungibwansi bamunoonya
By: Godfrey Kigobero, Journalist @New Vision
EKITONGOLE kya poliisi ekikwasisa empisa, ekya Professional Standards Unit { PSU }, bali mu kunoonyereza ku muserikale wa poliisi eyalabikidde mu katambi ng'akuba omusajja embooko mu kiseera ky'okuyonja ku Lwomukaaga.
Akatambi kano, kasaasaanidde emitimbagano, ng'omuserikale akutte embooko, agenda aweeweenyula omusajja eyabadde akutte ebiveera mu ngalo.
Omwogezi wa poliisi mu ggwanga, Kituuma Rusoke, agambye nti ensonga eno bali mu kugirondoola basobole okuzuula ekyabaddewo.
Mu kusooka, kituuma asiimye Bannayuganda olw'ekwetaba mu kuyonja ebifo eby'enjawulo n'agamba nti obucaafu bubadde bungi, nga kino, kirabikira ku ntuumu za kasasiro omungi , ezassiddwa ku makubo ng'aggyibwa mu bantu.