Kitende esitukidde mu mpaka z'okubaka ate Kibuli ne yeetikka eza Table Tenis mu mizannyo gy'amasomero e Kenya

Kitende Ewangudde Ekyokubaka, Kibuli yeetisse Table Tennis

Bya Julius Kafuluma 
Mupiira (Balenzi)
Amus college 1-2 Butere Boys (KE)
Bukedea 2-0 Benjamin Mkapa (TZ)

Bawala (Semi final)
Kawempe Muslim 4-2 Arch Bishop Njenga (KE)
St. Noa Girls 1-0 Amus college 

Kubaka Final
St. Mary’s Kitende 46-30 Buddo SS

Ekyokusatu
St. Noa Girls 56-44 Hamdan Islamic 

Hand ball (semi finals) Bawala
Moi Kamusinga (KE) 19-15 Kawanda SS

Balenzi 
Mbogo mixed 23-20 St. Joseph Kitale (KE)

Ensero 5x5 semi final (Bawala)
St. Noa Girls 62-53 Butere Girls (KE)
St. Mary’s Kitende 69-66 ESB Kamonyi (RWA)

St. Mary’s Kitende ewangudde ekikopo ky'okubaka omulundi gwayo ogwa 20 oluvannyuma lw'okukuba bajja baayo aba Buddo 46-30.
Kitende yesasulizza ku Buddo eyagikuba ne gitwalako ekikopo ky'amassomero mu Uganda omwaka guno.
St. Noah Girls ekutte ekifo kya kusatu oluvannyuma lw'okukuba Hamdan Islamic 56-44 mu mizannyo egyabadde egya tiimu za Uganda zokka.
Kibuli SS yeetisse empaka za Table Tennis mu Bawala n'abalenzi oluvannyuma lw'okukulembera ebibinja mwebabadde bazanyira mu mpaka zamassomero eza FEASSA ezikomekkerezebwa leero e kakamega, Kenya.
Uganda yakukumbye emidaali gya table tennis gyonna mu Bawala nabalenzi nga mu Bawala Mbogo college yakutte kyakubiri neddirirwa Mbogo high mu kyakusatu ate mu Balenzi Seroma  yakutte kyakubiri neddirirwa Ubuntu Hill mu kyokusatu.
Mu mpaka za Hockey owabalenzi Kakungulu Memorial eya Uganda yakutte kyakusatu nga zawanguddwa St Joseph Kitale eya Kenya eyaddiriddwa Tigoi Girls nga nayo ya Kenya.
Bukedea comprehensive yeetisse empaka za Beach volleyball nga yaddiriddwa Hilton High school ate Langata High school eya Kenya n'ekwata ekifo kyakusatu.
Aziizi Busingye omuzanyi wa Bukedea comprehensive yeyalondeddwa nga omuzanyi eyasinze mu muzannyo ogwo.
Seroma yeetisse ezabawala ate Bukedea comprehensive nekwata ekifo kyakusatu, Caroline Wanjala owa Seroma yeyalondeddwa nga omuzanyi eyanywedde mu banne akendo.

Teams nga zittunka mu mpaka z'okubaka

Mu handball mu Balenzi Mbogo high yeesozze oluzannya olwakamalirizo oluvannyuma lwokukuba St Joseph Kitale eya Kenya obugoba 23-20 ate nga yo Kawanda SS yakubiddwa moi Girls obugoba 19-15 mu Bawala.
Mbogo high yaakuzannya moi girls ku luzannya olwakamalirizo ate Kawanda SS egenda kulwanira kyakusatu ne Kitale eya Kenya.
Mu volleyball owabalenzi Bukedea egenda kuttunka ne Namugongo Vocational ku luzannya oluddirira olwakamalirizo nga ayitawo agenda kukwata ayiseewo wakati wa cheptil ne St Luc eza Kenya ku luzannya olwakamalirizo.
Mu nsero eya 5x5 mu Balenzi bannantameggwa bomwaka oguwedde aba Amus college baakubye St Cyprian Kyabakadde ku luzannya oluddirira olwakamalirizo ensero 78-61 nga Kati bagenda kuzannya ITS eya Rwanda ku luzannya olwakamalirizo.
Yo St cyprian Kyabakadde egenda kuzannya Laiser hill eya Kenya okulabako alwata ekifo ekyokusatu.
Mu mupiira ogwabawala Kawempe yeesozze oluzannya olwakamalirizo oluvannyuma lwokukuba Arch Bishop Njenga eya Kenya goolo 4-2 nga zonna zaateebeddwa kapiteeni waabwe Agness Nabukenya. Nabukenya nga Kati yaakulembedde abateebi ne goolo mwenda yateebye mu dakiika eyokutaano, eya 20, 56 nedakiika eye 60 nga goolo ebbiri ezasembyeyo zaabadde zaakusimula bisobyo.
Kawempe egenda kuzannya St Noa girls eyaggyemu Amus college oluvannyuma lwokubakuba goolo 1-0 mu luzannya oluddirira olwakamalirizo.
Mu gwabalenzi Butere Boys eya Kenya yakubye Amus college 2-1 ate Bukedea nekuba Benjamin Mkapa eya Tanzania goolo 2-0 mu gigaddewo ebibinja. Bukedea ye tiimu ya Uganda yokka Eyo mupiira eyasobodde okuva mu kibinja nga ku luzannya oluddirira olwakamalirizo egenda kuzannya Butere Boys eya Kenya