Nkaada alongooseddwa
EYALIKO ssita wa Express ne Cranes, lsaac 'Ironman' Nkaada yatowoolokose ku bulumi eggulo, abaaguzannyako bwe baamukyalidde mu ddwaaliro e Mulago okumukulisa ekiso. Ku Mmande, Nkaada yalongooseddwa kookolo w'omu busajja (prostate cancer) era abaaguzannyako abeegattira mu kibiina kya 'Former Senior Footballers Initiative (FSFI) nga bakulemberwa Paul Ssali baamulumbudde ku kitanda ne bamuwa obuyambi.
Isaac 'Ironman' Nkaada (ku kkono) ng'annyonnyola Paasita Musisi (amuddiridde), Kitatta ne Paul Ssali ku bulwadde bwe.
EYALIKO ssita wa Express ne Cranes, lsaac 'Ironman' Nkaada yatowoolokose ku bulumi eggulo, abaaguzannyako bwe baamukyalidde mu ddwaaliro e Mulago okumukulisa ekiso. Ku Mmande, Nkaada yalongooseddwa kookolo w'omu busajja (prostate cancer) era abaaguzannyako abeegattira mu kibiina kya 'Former Senior Footballers Initiative (FSFI) nga bakulemberwa Paul Ssali baamulumbudde ku kitanda ne bamuwa obuyambi.
Ssali yagenze ne Paasita Paul Musisi (Express) nga kati y'akulira Caring Heart Community Victory Church e Kaggula mu Wakiso, Yusuf Kyeyune Chuni, Godfrey Nyola (baali mu Express), Sam Mugambe, Charles Ssenyange (baali mu KCC), George Sserunjogi (Express/KCC), Godfrey Kitatta (Mbarara/ Express/ Simba), n'abalala. Baamutwalidde ebikozesebwa omwabadde ebyokunywa, ebyokulya ne ssente enkalu n'okumusabira Katonda amussuuse. Nkaada, yabeebazizza omwoyo gw'obwasseruganda
BALAMBUDDE BAMULA
Nga tebannagenda wa Nkaada, abaaguzannyako bano basoose kukyalira munnaabwe Enock Bamula e Kazinga- Gganda mu Wakiso Town Council. Bamula, eyaliko ggoolokipa wa Simba ne Express, yatemwako omukono ng'alwadde ssukaali,